本帖最後由 diyhohk 於 2017-12-16 01:05 編輯
作為一個小業主, 好多野唔知, 係會覺得有班人係到攪事, 咁積極成立法團, 係咪想攞著數呀? 我初初都有咁諗.
首先, 我都覺得我地管理費唔貴, $2.3一尺/建築面積, 但係諗心一層........4千幾戶, 一年一億四千萬管理費喎, 湊岸8號4棟樓高36至46層的住宅, 管理費都只係$2.8, 用POOL計,人地收緊我地1/3都無既錢, 一樣養緊一個游泳池, 一個藍球羽毛球場, 一個保齡球場, 一個兒童CLUB HOUSE…….就算你反駁話屋苑人多,所以員工都用多左, 但比例都頂多1倍好未..... 如果港鐵可以幫我們把守好D, 唔係單一回標(或者只有2支標返), 我們可能可以$1.8管理費都未定.
下下道聽途説, 中左伏都唔知, 講到尾, 多D參與屋苑事務, 團結是力量. 唔好空白授權書, 如果你唔知選邊個好, 唔選好過, D空白授權, 你話會揀乜人出黎丫?
我近一年都有去開會, 次次都係得個嘈嘈閉, 覺得D人好野蠻, 我主動找黎先生了解, 我開始理解點解呢班人咁激動.
1. 2017港鐵要更換滅火筒, 支出大約50萬, 法團招集人黎先生去查看, 原來有很多可以REFILL就通過合格, 不需要全部更換, 結果在黎先生挑戰管理公司下, 最後廿幾萬就可以埋單.
2. 停車場有白蟻窩, 港鐵報價要2千元清理一個, 在黎先生強烈要求下(開會嘈嘈閉鬧管理公司), 清潔公司最後WAIVED.
3. 大家又知唔知停車場漏水情況, 本來是發展商長實既問題, 但至今還是處理不妥, 保養期好像也快過了, 再拖下去, 大維修一定要業主夾錢啦, 無既, 4千多戶夾, 我就佔4千幾份1, 跟大隊, 到時可能每戶夾幾萬囉, 2,3億夠整啦呱........
4. 所有20萬以下的工程, 港鐵是不用通知業主委員會, 一扇不锈鋼閘, 竟要18萬元, 大家口中的長毛羅, 因為佢退休前做工程, 甚至屋苑有做工程的業主也知道只要1/3價錢已經可以做到這扇閘, 所以他們很勞氣, 因為港鐵管理人酬金計算方法是我們屋苑支出的11%(8%+3%), 某程度上, 我們開支1億4千萬, 港鐵就有千多萬收入, 呢種服務收費方式其實同業主好大衝突. 我唔話港鐵一定食水, 但只要你有工人姐姐你就明, 你去買一舊豬肉同姐姐去買, 都有分別, 豬肉佬覺得D錢唔係佢, 佢唔會計較, 開幾大佢都比, 佢亦未必會幫你還價.....大家明唔明? 簡單比喻: 如果你同工人姐姐講, 佢既人工係base on該月全屋既開支某一個百份比, 大家估下果個月D水電煤, 伙食費會點? 反對成立法團無問題丫, 但點可以真正監管到管理公司呢?
最慘你係唔可以CHECK港鐵條數, 除非你攞到5%業主授權仲要自己比錢查, 業委CHECK合約都要簽保密協議, 唔可以同其他業主講, 乜道理?
無錯, 以上睇落只係細眉細眼小數目, 全因只係冰山一小角, 12棟樓每年用億幾喎, 如果每件事情都可以應省則省, 唔好話多丫, 省1/5做儲備都好丫, 我只係帶出訊息來給大家去思考一下.
本來可以寄望業委會, 可惜業委會好多都係空白授權選出黎.....................單位出租了, 唔係係屋苑內都做業委, 所以台下先嘈嘈閉.
今年大局已定, 寄望多D人真心出黎幫手做業委....................
我無立場架, 如果業委跟得足真係監督到港鐵唔係只掛個名銜, 無人想成立法團. |
發表於 2017-12-14 19:21
| 
發表於 2017-12-14 23:52
| 
